У дубровенскай кнігарні прадаюць гімн Расеі. На аршанскі вакзал пасьля рэстаўрацыі памятную шыльду пра прыезд Леніна вярнулі, а пра Калініна вырашылі не вяртаць.
Купляйце беларускае
У кнігарні горада Дуброўна на бачным месцы вісіць лёзунг «Купляйце айчыннае»(зразумела, па-расейску). На жаль, нешматлікія творы беларускай літаратуры туляцца ў дальнім кутку. Затое на вітрыне ля касы ляжыць ладны стос маляўнічых плякацікаў зь Дзяржаўным гімнам Расейскай Фэдэрацыі(ці ня на мытні ў Рэдзьках канфіскавалі?). Што цікава, прадукцыі зь дзяржаўнай сымболікай РБ неяк не заўважна. Відаць, усё раскупілі для чыноўніцкіх кабінэтаў ды школьных клясаў. У адрозьненьні ад беларускай прадукцыі, расейская мае й ужытковае прызначэньне: на адваротным баку зьмешчаныя правілы правапісу «жи-« і «ши-«. Айчынныя вытворцы да гэтага шчэ не дадумаліся.
Зь Леніным у сэрцы
Праз два гады пасьля рэстаўрацыі на сьцяну Аршанскага чыгуначнага вакзала зноў вярнулі мэмарыяльную шыльду, прысьвечаную праезду праз Воршу Ўладзімера Леніна. Цяпер правадыра сусьветнага пралетарыяту можна пабачыць і звонку і ўсярэдзіне будынку. У фае вісіць вялізная копія вядомай карціны У.Сярова «Ленін абвяшчае савецкую ўладу». Бронзавую шыльду так адшліфавалі, што яна аж блішчыць. А вось мэмарыяльную табліцу ў гонар выступленьня ў Воршы ўсесаюзнага старасты Міхаіла Калініна на ранейшае месца не вярнулі. Хто цяпер ведае такога?
Яўген Жарнасек, Ворша
«А што ў вас за праблемы? Далёка да Мінска ці няма каму падвезці?» Публічная пікіроўка Лукашэнкі і Пашыняна13
Каментары