Разбойны напад адбыўся ўвечары 25 красавіка на Рэчыцкім праспекце, паведамляе гомельская абласная міліцыя.
Нейкі мужчына зайшоў у аптэку і, пагражаючы нажом, скраў з касы 360 рублёў, пасля чаго збег.
Пра напад былі адразу паведамленыя нарады міліцыі. «Аўтапатруль роты ППС стаў аб'язджаць тэрыторыю раёна. На вуліцы 70 гадоў БССР міліцыянты заўважылі мужчыну, падобнага па прыкметах на меркаванага нападніка і затрымалі яго», - паведамляе прэс-служба міліцыі.
Падчас вобшуку ў яго былі канфіскаваныя грошы і нож.
Каментары