Чалавек, які напаў вечарам у суботу на мінакоў у цэнтры Парыжа — выхадзец з Чачні ва ўзросце каля 20 гадоў, перадае радыёстанцыя Europe 1 са спасылкай на ўласныя крыніцы.
«Паліцыянты змаглі вызначыць імя нападніка ў другой акрузе Парыжа. <…> Па інфармацыі Europe 1, гаворка ідзе пра выхадца з Чачні прыкладна 20-гадовага ўзросту», — цытуе ria.ru паведамленне радыёстанцыі.
Адзначаецца, што малады чалавек не меў пры сабе ніякіх дакументаў, «але следчыя ўстанавілі яго асобу па адбітках пальцаў».
Naturalisé français en 2010, fiché S depuis 2016... ce que l'on sait sur Khamzat Azimov, l'auteur de l'attentat perpétré dans le centre de Paris samedi soir https://t.co/jI3fJKKFp0 pic.twitter.com/cXzqgREmNB
Як паведамлялася, інцыдэнт адбыўся напярэдадні вечарам у другой акрузе французскай сталіцы недалёка ад Парыжскай оперы, дзе знаходзіцца шмат бараў і рэстаранаў. Мужчына напаў з нажом на мінакоў, у выніку адзін чалавек ад атрыманых раненняў памёр. Яшчэ чацвёра пацярпелі, двое з іх шпіталізаваныя з цяжкімі траўмамі. Паліцыя ліквідавала зламысніка.
Адказнасць за напад ўзяла на сябе тэрарыстычная групоўка «Ісламская дзяржава», адзначаюць французскія СМІ.
Каментары