На чэмпіянаце свету па хакеі, што праходзіць у Даніі, сёння завяршаецца групавы турнір. У нашай групе зборная Швейцарыі перамагла Францыю 5:1 і выйшла ў 1/4 фіналу.
Швецыя — 17 (6 гульняў), Расія — 16 (6), Чэхія — 15 (7), Швейцарыя — 12 (7), Славакія — 8 (6), Францыя — 6 (7), Аўстрыя — 4 (7), Беларусь — 0 (6).
Такім чынам матч Славакія — Беларусь (пачатак у 17:15) не мае значэння ні для аднаго з супернікаў. Славакі нават у выпадку перамогі не выйдуць у чвэрцьфінал, яны застаюцца на пятым месцы.
У 21:15 пачнецца матч Швецыя — Расія, які вырашыць, хто зойме першае месца ў гэтай групе. Чэхі фінішавалі на трэцім
У іншай групе Фінляндыя перамагла ЗША з лікам 6:2 і заняла першае месца. У 1/4 фіналу фіны ў чацвер згуляюць са Швейцарыяй, а ЗША — з Чэхіяй.
Фінляндыя — 16 (7), ЗША — 16 (7), Канада — 12 (6), Данія — 11 (6), Латвія — 10 (6), Германія — 7 (6), Нарвегія — 6 (7), Паўднёвая Карэя — 0 (7).
А 17:15 пройдзе матч Канада — Германія, але цікавая гульня пачнецца ў 21:15: Латвія — Данія. Каманда, што пераможа, выйдзе ў 1/4 фіналу.
Нагадаем, што зборная Беларусі пакідае элітны дывізіён, у наступным годзе нашы хакеісты згуляюць у дывізіёне 1A, яе супернікамі стануць зборныя Паўднёвай Карэі, Венгрыі, Славеніі, Казахстана і Літвы.
Месца правядзення турніру, што пройдзе ў красавіку наступнага года, стане вядома пры канцы тыдня.
Цяпер чытаюць
Радзільныя дамы спаборнічаюць, у каго 3 ліпеня народзіцца больш дзяцей7
Каментары