Адміністратарка рэстарана ў Курапатах аб пратэстоўцах: «Гэта не народ. Гэтыя людзі ідуць супраць дзяржавы»
Святлана Дубкова шмат разоў засвяцілася ў фотарэпартажах з акцый пратэсту каля рэстарана «Паедзем, паядзім», які знаходзіцца ў непасрэднай блізкасці ад урочышча Курапаты. Святлана адмаўляецца размаўляць са СМІ, але часам уступае ў дыскусіі ў інтэрнэце.
Прынамсі, яна пакінула каментар пад артыкулам на сайце Радыё «Свабода» аб тым, як пратэстоўцы не пусцілі ў рэстаран байкераў. Пакідаем аўтарскую арфаграфію і пунктуацыю:
«Это не акция протеста, а збор уголовников и людей у которых нет никаких идей. Люди стоят, бросаются на машины, нарушают все правила закона. Это не народ. Это люди которые идут против государства и хотят внести хаос. Цевелизованные люди всегда найдут букву закона а не разводят бордак в общественных местах», — напісала Дубкова.
Пазней адміністратарка рэстарана ўступіла ў дыскусію з каментатарамі на старонцы Паўла Севярынца ў фэйсбуку.
«Дзякуй усім за каментары. Прагледзела вашы старонкі. І ўсё, што хочацца Вам сказаць… мне асабіста вас шкада… Нічога карыснага вы не робіце ні для Курапатаў, ні для грамадства», — напісала спадарыня Дубкова.
«Усё, што я думала пра вас, я напісала. Меркаванне не змянілася. Клоуны і правакатары», — гэта было апошняе паведамленне ад адміністратаркі «Паедзем, паядзім».
Святлане Дубковай 41 год. Яна скончыла гандлёвы каледж у Мінску, а таксама БДЭУ.
Завадчанін Ігар, які вяртаўся дадому бухім, упершыню ў жыцці едзе за мяжу. А яшчэ ён халасты7
Каментары