Партнёр футбольнага клуба «Дынама-Брэст» Таджэдзін Сейф распавёў аб планах пабудаваць у Брэсце спартыўны комплекс на 30 тысяч месцаў і «дзіцячую футбольную акадэмію імя Марадоны». Пра гэта ён паведаміў у эфіры тэлеканала СТБ.
«Вы ў Беларусі ўбачыце усіх зорак: убачыце Мэсі, Раналду, бразільскага Раналда, Кафу, Касільяса, — сказаў бізнэсмен. — З усімі будзем дамаўляцца, каб яны прыехалі сюды як мінімум на два дні і перадалі вопыт маладым [вучням] ў акадэміі».
«Мы ў шоку ад таго, як людзі любяць Марадону, — сказаў Таджэдзін Сейф. — Гэта [падзея] не толькі для «Дынама-Брэст», а для ўсёй Беларусі. Ён падымае футбол Беларусі цалкам. Куды б ён ні прыехаў, у любы горад, дзе ў нас будзе гульня, людзі прыйдуць на стадыён, каб паглядзець на яго».
Нагадаем, Дыега Марадона прыляцеў у Брэст 16 ліпеня ў якасці новага старшыні праўлення «Дынама-Брэст». Ён адзначыў, што гатовы сур'ёзна працаваць з камандай, каб заўзятары ганарыліся сваім клубам. 58-гадовы аргенцінец будзе займацца пытаннямі стратэгічнага развіцця клуба, а таксама ўзаемадзейнічаць з усімі яго структурнымі падраздзяленнямі, уключаючы дзіцячую акадэмію «Дынама-Брэст».
Таджэдзін Сейф быў прадстаўлены як новы партнёр брэсцкага «Дынама». Сейф называе сябе ўладальнікам і гендырэктарам інавацыйнага цэнтра групы з ААЭ. Ён таксама з'яўляецца членам савета дырэктараў і партнёрам у больш чым 20 холдынгавых кампаніях у ААЭ, Еўропа, ЗША, Расія і Беларусь. Кампаніі спецыялізуюцца ў галіне нерухомасці, фінансаў і прамых інвестыцый. У партфоліа Сейфа значыцца інфармацыя пра атрыманне дыпломаў Магілёўскага дзяржуніверсітэта і маскоўскім РУДН. Сейф суправаджаў Дыега Марадону і быў адным з ключавых спікераў падчас прэс-канферэнцый у Дубаі і Брэсце.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары