Каб аднавіць згублены ці сапсаваны дакумент аб адукацыі, неабходна звярнуцца ў адпаведную ўстанову адукацыі (школу, ССНУ, ВНУ) і напісаць заяву з указаннем прычыны аднаўлення (згублены, сапсаваны, змена прозвішча). З сабой трэба захапіць пашпарт і квіток аб аплаце дзяржпошліны (акрамя асноўных рэквізітаў, абавязкова ўдакладніце код плацяжу ў бюджэт). Калі дублікат дыплома атрымліваецца не па прычыне яго страты, непрыдатны для карыстання арыгінал вяртаецца.
Калі атэстат згублены непаўналетнім, па дублікат звяртаюцца яго бацькі. У выпадку са зменай прозвішча дадаткова прыкладаецца пасведчанне аб заключэнні шлюбу (у дублікаце застанецца дзявочае прозвішча).
За аднаўленне школьнага атэстата прыйдзецца аддаць 0,1 базавай велічыні. Аднаўленне дыплома сярэднеспецыяльных і вышэйшых устаноў каштуе ўдвая болей — 0,2 базавай велічыні. Дублікат дадатка да дакумента робіцца бясплатна.
Тэрмін аднаўлення для атэстата і дыплома аднолькавы — 15 дзён ад моманту падачы заявы. Аднак калі навучальная ўстанова будзе звяртацца па інфармацыю ў іншыя арганізацыі, тэрмін можа павялічыцца да аднаго месяца.
Што рабіць, калі патрэбная ўстанова адукацыі ліквідаваная ці рэарганізаваная?
У выпадку рэарганізацыі першапачаткова неабходна звярнуцца ў мясцовае ўпраўленне адукацыі, адкуль вас накіруюць ва ўстанову, прызначаную правапераемнікам. Менавіта там і захоўваюцца архіўныя дадзеныя.
Калі ўстанова адукацыі была ліквідаваная — звяртайцеся ў архіў па месцы знаходжання арганізацыі адукацыі.
Копіі саміх дакументаў і іх дадаткаў, выдадзеныя дзяржаўнымі, ведамаснымі і прыватнымі архівамі і іх філіяламі, з’яўляюцца афіцыйнымі дакументамі і маюць юрыдычную сілу арыгінала.
Адноўленыя дакументы выдаюцца на бланках узору, які дзейнічае на момант прыняцця рашэння аб выдачы дублiката.
Згублены дыплом навучальнай установы іншай краіны? Асабіста звярніцеся з тымі ж дакументамі ў тую ўстанову. Нюансы і дэталі вам раскажуць на месцы.
Цяпер чытаюць
Пастар Грэм на «Чыжоўка-арэне» папрасіў маліцца за Лукашэнку і Пуціна. А сам маліўся за Трампа30
Каментары