Facebook навучыўся аўтаматычна перакладаць допісы на беларускую мову
Facebook дадала 24 новыя мовы ў сістэму аўтаматычнага перакладу, у тым ліку беларускую.
Для таго, каб палепшыць пераклад з беларускай на англійскую, Facebook пабудавала мультымоўную сістэму, заснаваную на падабенстве беларускай лексікі з украінскай. У ёй машыннае навучанне выкарыстоўвае пераклад з беларускай на ўкраінскую, каб атрымаць вынік на англійскай мове. У некаторых выпадках такія мультымоўныя сістэмы выкарыстоўваюць да чатырох «прамежкавых» моў.
Для таго, каб перакладаць допісы і каментары Фэйсбука на беларускую, неабходна ў наладах ва ўкладцы «Мовы» дадаць беларускую мову ў пункце «На якую мову перакладаць навіны» і прыбраць беларускую мову з пункта «Якія мовы вы разумееце».
Каб перакласці беларускія допісы і каментары, напрыклад, на англійскую мову, неабходна англійскую мову абраць у пункце «На якую мову перакладаць навіны» і прыбраць англійскую мову з пункта «Якія мовы вы разумееце».
Пасля гэтых дзеянняў пад допісамі з'явіцца кнопка «Паказаць пераклад» (ці See Translation).
Цяпер чытаюць
«Я думаў, мяне не можа нічога здзівіць». На фудкорце ў мінскім ГЦ зрабілі платныя сталы4
Каментары