Палякі сёння выбяруць больш за 46 тысяч дэпутатаў мясцовых радаў, паўтары тысячы войтаў, 823 бургамістраў і 107 мэраў гарадоў, паведамляе Радыё Польшча.
PAP/Leszek Szymański
Па ўсёй краіне ўведзеная выбарчая цішыня, гэта значыць, што да канца галасваньня нельга праводзіць агітацыі за канкрэтных кандыдатаў, або партыі, ці камітэты.
Зарэгістравана больш за 30,24 мільёна асоб з правам голасу ў 26983 выбарчых акругах.
Гэтыя выбары лічацца апошняй сур'ёзнай праверкай ўзроўню падтрымкі кіруючай у Польшчы партыі «Права і справядлівасць» перад выбарамі ў Еўрапейскі парламент і ў польскі сейм у 2019 годзе.
Каментары