Дырэктар ЦРУ Джына Хаспел запатрабавала ў турэцкіх уладаў аўдыёзапісы катаванняў і забойства саудаўскага журналіста Джамаля Хашогі ў консульстве Саудаўскай Аравіі ў Стамбуле. Пра гэта паведамляе Reuters са спасылкай на чатыры крыніцы.
Хаспел прыбыла ў Турцыю днём раней, каб сабраць звесткі пра забойства журналіста. Дырэктар ЦРУ прыехала па даручэнні прэзідэнта Дональда Трампа, які застаўся не задаволены раней агучанай інфармацыяй аб ходзе справы.
Па выніках, якія атрымае Хаспел, Вашынгтон будуць прымаць рашэнні ў дачыненні да ўладаў Саудаўскай Аравіі. Трамп падкрэсліў, што ў любым выпадку ЗША будуць патрабаваць пакарання вінаватых у забойстве.
Каментары