«Здыхлік супраць чалавека‑пінгвіна», «Тэма хітрага даішніка», «Афрыканскі лес»... Дыскаграфія. Не без білета, West Records, 2008. Рэцэнзуе Сяргей Будкін.
«Здыхлік супраць чалавека‑пінгвіна», «Тэма хітрага даішніка», «Афрыканскі лес»... Дыскаграфія. Не без білета, West Records, 2008. Рэцэнзуе Сяргей Будкін.
Лідэр «Без Білета» пашырыў межы ўласнай творчасці і запісаў альбом летуценнага электроннага інструменталу для вузкага кола аматараў.
Часам зусім ужо нечакана філасофскага, як для лідэра поп‑рокавага праекту. На гэтым дыску паўстае ўжо не Барзоў, але яшчэ не Курохін:). На дыску сабраныя трэкі, якія аніяк не ўкладаюцца ў канцэпцыю «Без Білета», напісаныя з камерцыйных (да тэлесерыялаў і рэкламы), сяброўскіх (для тэатру «Інжэст» і Сашы з Сірожам) матываў і душэўных памкненняў («Плошча Каліноўскага»).
Тут сустракаюцца разважлівыя нью‑эйджавыя рэчы («Дабрацца жывым»), спробы сябе ў буйных музычных жанрах (аркестровачка «Здыхлік супраць чалавека‑пінгвіна»), іранічныя музычныя замалёўкі («Тэма хітрага даішніка») і медытатыўныя імправізацыі («Афрыканскі лес»). Ёсць месца і ўсходнім матывам («Любоў дракона»), і заходнім («Гэта ўсё глупства, Джоні»). У цэлым альбом мінорны паводле настрою, што падкрэсліваюць два слязлівыя трэкі пры канцы.
Асабістая падзяка за «Плошчу». Хоць назву трэку можна было напісаць па-чалавечы.
Каментары