Раніцай у нядзелю, 25 лістапада, тры караблі Ваенна-марскіх сіл Украіны без дазволу ўвайшлі ў тэрытарыяльныя воды Расіі і накіраваліся да Керчанскага праліва, паведамілі ў ФСБ. У Кіеве заявілі аб таране аднаго са сваіх караблёў, піша РБК.
Тры ўкраінскія ваенныя караблі ўвайшлі ў тэрытарыяльныя воды Расіі і працягнулі рух да Керчанскага праліву, заявілі ў ФСБ.
У ФСБ адзначылі, што заяўкі на праход караблёў пададзеныя не былі, у графік праходу караблёў яны не ўключаны. «Караблі небяспечна манеўруюць, ня падпарадкоўваюцца законным патрабаванням расейскіх уладаў», - дадалі ў ФСБ.
У той жа час у паведамленні на сайце камандавання Ваенна-марскіх сіл Украіны гаворыцца, што караблі ў складзе двух малых браняваных артылерыйскіх катэраў «Бярдзянск» і «Нікапаль» і рэйдавага буксіра «Яны Капу» ажыццяўлялі планавы пераход з порта Адэсы да порта Марыупаль Азоўскага мора.
Украінскі бок заяўляе, што прадаставіў інфармацыю аб праходзе караблёў загадзя, а расійскія караблі здзейснілі «адкрыта агрэсіўныя дзеянні супраць караблёў ВМС ВС Украіны». «Пагранічны карабель «Дон» здзейсніў таран нашага рэйдавага буксіра, у выніку якога пашкоджаны галоўны рухавік карабля, абшыўка і леерная агароджа, страчаны выратавальны плыт», - заявілі ў ВМС Украіны.
ВМС Украіны апублікавалі фота сутыкнення.
Украінскія караблі працягваюць рухацца па Керчанскім праліве.
Цяпер чытаюць
«Я больш не анархіст». Мікола Дзядок — пра турму, Бога і расчараванне ў ідэалогіях19
Каментары