Здарэнне адбылося яшчэ 29 верасня, а 21 лістапада прайшоў суд.
Пра выпадак піша kraj.by.
29 верасня абвінавачаны разам з прыяцелем прыехаў у Маладзечна, там яны сустрэліся з яшчэ адным таварышам. У двары аднаго з дамоў сталі выпіваць.
Неўзабаве з грыбоў дадому вярнулася сям'я: пацярпелая, яе дачка, зяць і ўнукі. Дзеці гулялі на вуліцы, дачка пайшла гуляць з сабакам. У нейкі момант пенсіянерка пачула, што «дзядзька бегае за дзецьмі». Яна выйшла з дома і зрабіла мужчыну заўвагу. У адказ ён ударыў яе кулаком па шыі.
Пажылая жанчына адчула сябе дрэнна, расхвалявалася і пайшла дадому. Аб выпадку яна распавяла зяцю, той і выклікаў міліцыю.
Хулігана затрымалі. Ён кажа, што нічога не памятае, бо шмат выпіў. Суд прысудзіў яму тры месяцы арышту.
Цяпер чытаюць
«Цяпер мне чужая сама канцэпцыя ўжыць нешта, чаго ты не ведаеш». Вялікая гутарка з Іванам Шылам пра бізнэс, зараблянне з дапамогай ШІ, жанчын і ботакс6
Каментары