У Гомелі на тэматычнай вечарыне «Дзявочнік» падазраваную ў крадзяжы высветлілі дзякуючы вэлюму, паведамляе УУС Гомельскага аблвыканкама.
Вечарына праходзіла ў адной з забаўляльных устаноў 8 снежня. На працягу ўсёй ночы для дзяўчат у вэлюме ўваход быў бясплатным. Як высветлілася пазней, скарысталася гэтай прапановай толькі 34-гадовая гамяльчанка.
У разгар вечарынкі адна з наведвальніц начной установы звярнулася па дапамогу да адміністратара клуба і аховы — з яе сумачкі, пакінутай каля барнай стойкі, зніклі 60 рублёў.
Супрацоўнікі міліцыі, прагледзеўшы запісы камер відэаназірання, хутка знайшлі падазраваную. Ёй была адзіная ва установе ўладальніца аксесуара нявесты. Даме ў вэлюме — выхавальніцы дзіцячага сада — прыйшлося вярнуць скрадзеныя грошы.
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары