Нацбанк Беларусі у 2019 г. разлічвае захаваць падыходы ў курсавой палітыцы, пазбягаючы фарміравання дэвальвацыйнага навесу — курс будзе плаваючым, заявіў старшыня праўлення Нацбанка Павел Калаўр на прэс-канферэнцыі ў чацвер, піша Tut.by.
«Рызыка таго, што мы сутыкнемся з імпартам інфляцыйна-дэвальвацыйных працэсаў з Расіі вялікая», — прызнаў Калаур. Для мінімізацыі наступстваў патрэбна адказная грашова-крэдытная палітыка, падкрэсліў кіраўнік Нацбанка.
«Калі гэтых мер будзе недастаткова, задзейнічаем больш шырокі спектр інструментаў», — запэўніў ён.
Магчымы рост валацільнасці беларускага рубля пры гэтым Калаўр назваў платай за недастаткова разнастайны экспарт.
«Адразу магу адказаць на пытанне, якое мне звычайна задаюць — якім будзе курс беларускага рубля ў канцы 2019 года. Курс будзе справядлівым», — падкрэсліў кіраўнік Нацбанка.
Калаўр адзначыў, што стаўка рэфінансавання на канец 2019 года складзе 9-10%. Інфляцыя складзе не больш за 5%.
Падводзячы вынікі года, ён адзначыў, у прыватнасці, што працэнтныя стаўкі па новых рынкавых рублёвых крэдытах зараз складаюць каля 11% — гэта гістарычны мінімум і на 20 працэнтных пунктаў ніжэй за апошні пікавы ўзровень
Калаўр таксама адзначыў, што ў наступным годзе разглядаецца магчымасць адмовы ад ўстанаўлення рэгулятарам гранічнага ўзроўню ставак на крэдытна-дэпазітным рынку.
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м72
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1212
Каментары