Кіраўнік АНТ Марат Маркаў расказаў у інтэрв'ю «Звяздзе» пра асаблівасці працы свайго тэлеканала.
«Сама арганізацыя канала ставіць нам пэўныя ўмовы: не сакрэт, што на сёння АНТ — мікс з інфармацыйна-палітычнага складніка, у асноўным ён беларускі, і самых рэйтынгавых, цікавых забаўляльных праектаў расійскага Першага канала.
Доля кантэнту, які АНТ бярэ ад Першага канала, складае 44% ад усяго аб'ёму вяшчання, што цалкам параўнальна з доляй замежнага кіна- і серыяльнага паказу на іншых каналах.
Натуральна, мы разумеем, што маючы добры забаўляльны кантэнт, мы можам і павінны нарошчваць аб'ём уласных праектаў — тое, што адбываецца побач з намі, што цікава гледачам пра Беларусь. І мы свядома ідзём менавіта па гэтым шляху», — тлумачыць Марат Маркаў.
Ён запэўнівае, што ўсе праекты АНТ як мінімум рэнтабельныя. Яны акупляюцца «за кошт рэкламы, партнёрства з бізнес-структурамі і гэтак далей».
Чытайце таксама: Наколькі стратны тэлеканал АНТ? — лічбы
«Я без перабольшання ганаруся тым, што «Нашы навіны» першыя па праглядзе ў Беларусі. … Захоўваецца адзін расійскі выпуск навін (вечарова праграма «Час» — Рэд.) — проста для таго, каб трымаць шчыльную сувязь з краінай-партнёрам па Саюзнай дзяржаве і атрымліваць інфармацыю з першакрыніцы. Тым больш Першы канал вельмі добра робіць міжнародныя агляды навін», — мяркуе Маркаў.
Чытайце таксама: Кіраўнік АНТ Марат Маркаў: Сярод дзесяці самых раскручаных беларускіх сайтаў — ніводнага дзяржаўнага
Цяпер чытаюць
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м13
Бабарыка заявіў пра вяртанне ў палітыку і назваў вінаватага ў тым, што змены не адбыліся ў 2020-м
Дзеці злізвалі з бруднай падлогі пралітае малако. Якой пабачыў замежнік Беларусь, спустошаную расійскімі і шведскімі войскамі ў час Паўночнай вайны1111
Каментары