У Чэрыкаўскім раёне Магілёўскай вобласці вядзецца будаўніцтва найбуйнейшай у Беларусі фотаэлектрастанцыі (ФЭС). Інфармацыя пра гэта размешчаная на сайце кампаніі «Белзамежбуд», якая выконвае будаўнічыя і мантажныя работы, піша TUT.BY.
Бліжняя Рэчыца - так раней называлася вёска ў Чэрыкаўскім раёне. Цяпер вёскі няма, ёсць аднайменнае ўрочышчы ў зоне адсялення пасля катастрофы на Чарнобыльскай АЭС. Тут будуецца Чэрыкаўская ФЭС, найбуйнейшая ў Беларусі і СНД, гаворыцца ў паведамленні.
Магутнасць сонечнай электрастанцыі складзе больш за 100 МВт. Яна размесціцца на плошчы 220 га.
100 Мвт — гэта амаль 1,5% ад агульнага спажывання электраэнергіі Беларуссю.
Працы ў Чэрыкаўскім раёне пачаліся ў канцы кастрычніка, на аб'екце працуюць каля 120 чалавек і каля 30 адзінак будаўнічай тэхнікі.
Праект фінансуецца кампаніяй «Камеліасайд Лімітэд» - даччыным прадпрыемствам брытанскіх Altostarta і United Green Group, якая спецыялізуецца на венчурных інвестыцыях у аднаўляльную энергетыку.
Агульная сума інвестыцый складзе больш за 170 млн даляраў. Крыніцы фінансавання - уласныя сродкі і крэдытныя рэсурсы міжнародных фінансавых інстытутаў.
Пастаўка абсталявання і інжынірынг ажыццяўляюцца кітайскай кампаніяй Power China Guizhou Engineering на ўмовах «пад ключ».
Нямецкая кампанія Ecap выступіць тэхнічным каардынатарам праекта ў Чэрыкаўскім раёне, а таксама зоймецца абслугоўваннем ФЭС пасля завяршэння будаўніцтва. Плануецца, што станцыя будзе ўведзена ў красавіку-маі 2019 года.
Чакаецца, што праект паспрыяе эканоміі валютных рэсурсаў за кошт скарачэння імпарту нафты і газу. Аб'ект таксама дапаможа выкарыстаць тэрыторыі, якія трапілі пад уздзеянне радыяцыі ў выніку чарнобыльскай катастрофы, гаворыцца ў паведамленні «Белзамежбуду».
Атрыманая альтэрнатыўная электраэнергія будзе пастаўляцца ў энергасістэму Беларусі.
Год таму кіраўнік МЗС Беларусі Уладзімір Макей сустракаўся з дырэктарам ірландскай кампаніі «Пьюа Энэрджы» Торстэнам Меркелем і абмяркоўваў перспектывы развіцця аднаўляльных крыніц энергіі ў Беларусі, у прыватнасці будаўніцтва сонечнай электрастанцыі ў Магілёўскай вобласці. Да гэтага ірландскі інвестар рэалізаваў у Беларусі шэраг праектаў у галіне альтэрнатыўнай энергетыкі.
-
«Над галавой лятае па 20 тон». Брат і сястра з Беларусі расказалі, колькі зарабляюць у порце польскай Гдыні
-
«Многія людзі стануць непатрэбнымі». Сузаснавальнік EPAM пра сяброўства з Добкіным, багацце і няроўнасць, жыццё ў Латвіі і настальгію
-
У ліпені Расія яшчэ больш павялічыла закупкі паліва ў Беларусі
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе1010
Каментары