У Магілёве кампанія маладых безбілетнікаў на чале з «юрыстам» пагражала кандуктару «хіміяй» і $5000 штрафу ВІДЭА
У магілёўскім аўтобусе кампанія маладых людзей (хлопец і дзве дзяўчыны) катэгарычна адмовілася купляць у кандуктара білеты, таксама як і прад'яўляць дакументы, якія даюць права на бясплатны праезд.
Калі кандуктар пачала дазволеную законам відэаздымку правапарушэння ў грамадскім месцы (арт. 18.30 КаАП Беларусі «Безбілетны праезд»), хлопец паспрабаваў прадставіць справу такім чынам, быццам парушальнік — не ён і яго сяброўкі, а работніца аўтапарка.
За быццам бы «здымку прыватнай асобы без яе згоды» (здымка правапарушальніка ў грамадскім месцы такой не лічыцца) малады чалавек пагражаў кандуктару двума гадамі «хіміі» і штрафам $5000. Хлопец заявіў, што ў яго дзве вышэйшыя адукацыі, другая з іх — юрыдычная, ён нібыта працаваў у кантрольна-рэвізійнай групе аўтапарка, таму не кандуктару яго вучыць. Маўляў, жанчыне прыйдзецца «ўсё жыццё на яго працаваць».
У рэшце рэшт, усе яны выйшлі з аўтобуса, так нічога і не паказаўшы. Напрыканцы хлопец з дзвюма вышэйшымі адукацыямі абазваў кандуктара «дурной».
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна6
Каментары