Як НЕ трэба катацца на цюбінгу ЭКСТРЭМАЛЬНАЕ ВІДЭА
Толькі за першыя выходныя новага года пры катанні з горак на цюбінгах атрымалі траўмы пяцёра дзяцей. Усяго ж з пачатку зімы толькі ў РНПЦ неўралогіі і нейрахірургіі з цюбінгавымі траўмамі звярнуліся больш за 100 чалавек.
Медыкі б’юць трывогу і хочуць абмежаваць месцы для катанняў на «ватрушцы», Следчы камітэт паспеў выступіць з ініцыятывай да ўрада з просьбай сур’ёзна ўзяцца за стандартызацыю інвентару.
Але не так страшны сам цюбінг. Часцей за ўсё прычынай усіх траўм становіцца невыкананне банальных правіл бяспекі.
Каб іх вам усім нагадаць, знялі на горках вучэбна-трэніровачнага гарналыжнага цэнтра «Сонечная даліна» відэаінструкцыю.
Дарэчы, горкі ў даліне таксама не прызначаныя для катанняў на цюбінгу: ухіл многіх куды большы за бяспечныя 20 градусаў, сустракаюцца няроўнасці і дрэвы. Інструктары, перш чым выдаць цюбінгі ў пракат, нагадваюць пра гэта бацькам з дзецьмі і папярэджваюць, што ўся адказнасць за іх здароўе ляжыць выключна на іх. Праўда, больш уважлівымі ад гэтага становяцца далёка не ўсе наведвальнікі даліны.
Цяпер чытаюць
На поўначы Беларусі існавала велізарнае возера — у 150 разоў большае за Нарач. Яно знікла ў выніку прыроднай катастрофы, але сляды заўважныя і сёння66
Каментары