Дзяржаўны сакратар саюзнай дзяржавы Рыгор Рапота не выключае, што міжурадавае пагадненне Беларусі і Расіі аб узаемным прызнанні віз падпішуць сёлета, паведамляе БелТА.
«У мяне самы аптымістычны прагноз, таму што дакумент адпрацаваны, застаюцца апошнія штрыхі на беларускім баку», — сказаў дзяржсакратар.
Адказваючы на пытанне, дзе і калі можа быць падпісаны дакумент, Рыгор Рапота адзначыў: «Не важна, дзе і калі, галоўнае — каб ён быў падпісаны. Спадзяюся, сёлета».
Нагадаем, раней планавалася, што пагадненне аб узаемным прызнанні віз павінна быць падпісана ў канцы 2018 года ў Брэсце, аднак падпісанне перанеслі на нявызначаны тэрмін, паколькі Беларусь нібыта «не паспела завяршыць унутрыдзяржаўныя працэдуры».
Хто з беларусаў трапіў на прыём да прэзідэнта Польшчы ШМАТ ФОТА10
Каментары