Два беларусы абкрадвалі расійскія крамы і прадавалі здабычу каля заправак. Цягнулі і свініну, і каву, і нават твікс
Пасля затрымання беларусаў адпусцілі, і яны хуценька з'ехалі з Расіі, папрасіўшы асудзіць іх завочна.
Мажайскі гарадскі суд Маскоўскай вобласці завочна прызнаў двух беларусаў, Аляксандра Кудзеліча і Максіма Татарыновіча, вінаватымі ў крадзяжах з сеткавых крамаў «Пяцёрачка» і прызначыў кожнаму штраф памерам прыкладна $420. Прысуд вынесены 26 лютага 2026 года.
Паводле матэрыялаў справы, мужчыны прыехалі ў Маскоўскую вобласць на заробкі, але потым, як гаворыцца ў дакуменце, «адправіліся падарожнічаць» па рэгіёне. Калі грошы сталі заканчвацца, яны вырашылі красці прадукты з сеткавых крамаў — і дзеля ўласнага харчавання, і на перапродаж.
Першы раз напарнікі набралі поўныя сумку і заплечнік: дзевяць упаковак кавы Nescafe Gold, два батончыкі Twix, паштэт, тушонка «Сноў» (вырабленая, дарэчы, у Беларусі), піва і нарэзка італьянскай салямі. Ролі вызначылі загадзя: адзін бярэ тавар і складае ў сумку, другі сумку нясе.
Другі заход быў ужо чыста камерцыйны. У іншай «Пяцёрачцы» яны ўзялі толькі каву — 16 упаковак Nescafe Gold, чатыры кілаграмовыя пачкі зерневай EGOISTE NOIR і пяць упаковак растваральнай «Арабікі». Скрадзенае, як яны самі прызналі, потым прадавалі розным людзям на запраўках. Усяго за два разы беларусы вынеслі тавараў прыкладна на 30 тысяч расійскіх рублёў (каля €330).
На суд ні Кудзеліч, ні Татарыновіч не з'явіліся: паводле звестак суда, абодва ўжо знаходзяцца за межамі Расіі. Яны папрасілі разгледзець справу без іх, віну прызналі цалкам і заявілі пра раскаянне.
Суд прызначыў кожнаму па 30 тысяч расійскіх рублёў (каля €330) штрафу — агулам атрымалася ўдвая больш за кошт скрадзенага. Пытанне толькі ў тым, ці ўбачыць гэтыя грошы расійская казна — улічваючы, што абодва асуджаныя ўжо не ў Расіі.
Цяпер чытаюць
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары