У Брэсцкім раёне 25 студзеня знік жыхар аграгарадка Чэрні Аляксандр Бяласік.
Як распавяла «Брэсцкай газеце» яго жонка Алена, вечарам ён сышоў дамаўляцца наконт транспарту, якім на наступны дзень павінен быў ехаць на працу ў вёску Збірогі (адлегласць каля 10 км). Каля 19.15 жанчына апошні раз размаўляла з ім па тэлефоне. Ён паведаміў, што дамовіўся і хутка будзе дома, а праз паўгадзіны тэлефон стаў недаступны. І з таго часу пра мужчыну няма вестак.
Прыкладна ў той жа час, калі Аляксандр размаўляў з жонкай па тэлефоне, ён нешта купляў у мясцовым «Еўраопце» — яго зафіксавалі камеры відэаназірання. Мяркуючы па кадрах з іх, мужчына быў адзін.
Зараз пошукамі Аляксандра Бяласіка займаюцца праваахоўнікі, таксама абяцаў падключыцца пошукава-выратавальны атрад «Анёл».
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары