Інфляцыя ў Беларусі ў першым паўгоддзі гэтага года прагназуецца на ўзроўні 2018 года. Пра гэта паведаміў сёння журналістам старшыня праўлення Нацбанка Павел Калаўр, піша БелТА.
«Паводле ацэнак, інфляцыя ў першай палове года будзе перавышаць устаноўлены на 2019 г. мэтавы параметр па інфляцыі. Гэта звязана з тым, што негатыўны ціск з боку ўжо дзеючых часовых фактараў не знікне імгненна. Хоць паступова іх ўздзеянне будзе згасаць», - сказаў Павел Калаўр.
Адказваючы на пытанні журналістаў, ён адзначыў, што інфляцыя ў гэты перыяд можа быць «каля ўзроўню, які быў у мінулым годзе, з нейкімі нязначнымі адхіленнямі (крыху вышэй ці ніжэй)». «Інфляцыя па мінулым годзе склала 5,6%, гэта значыць яна можа быць і 5,5%, і 5,8%», — сказаў старшыня праўлення Нацбанка.
Стала вядома, чаму пераможца беларускага адбору «Міс Сусвет» не едзе на конкурс. Яна знайшлася ў СІЗА13
Каментары