Аптэкі і бальніцы Беларусі павінны прыпыніць продаж і ўжыванне папулярных лекаў «Эрэспал» і іншых прэпаратаў, якія ўтрымліваюць фенспірыд. Раней паведамлялася, што даследаванні паказалі: лекі могуць быць небяспечнымі для сэрца — выклікаць арытмію, піша Tut.by
Як адзначаецца ў загадзе Міністэрства аховы здароўя ад 11 лютага, з продажу канфіскоўваюцца наступныя прэпараты: «Інспірон» (сіроп і таблеткі), «Сірэсп» (сіроп), «Фенспірыд» (сіроп і таблеткі), «Эрэспал» (сіроп і таблеткі). Іх прызначалі для лячэння кашлю, ларынгіту, бранхіту, рынафарынгіту і пры тэрапіі бранхіяльнай астмы.
Па дадзеных Міжнароднай незалежнай фармацэўтычнай кампаніі Servier, праблемы ўзнікаюць толькі на фоне прыёму прэпарата, таму небяспекі для тых, хто лячыўся «Эрэспалам» раней, няма. Тым, хто зараз прымае лекі, трэба звярнуцца да лекара, каб выбраць іншы прэпарат — у Беларусі ёсць альтэрнатыўныя лекі без фенспірыду.
Забарона дзейнічае да завяршэння Міністэрствам аховы здароўя ацэнкі суадносін карысці і рызыкі лекаў. Раней фенспірыд-змяшчальныя лекі па той жа прычыне забаранілі ў Францыі.
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5757
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ57
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары