Пра гэта намеснік прэм'ер-міністра Беларусі Ігар Петрышэнка заявіў на выніковай калегіі Міністэрства культуры, паведамляе БелТА.
Ён адзначыў, што імёны беларускіх талентаў становяцца здабыткам шырокай грамадскасці краіны толькі пасля заявы аб сабе ў замежных тэлешоу і конкурсах.
Ігар Петрышэнка даручыў Мінкультуры сумесна з Белтэлерадыёкампаніяй разгледзець пытанне аб запуску нацыянальнага тэлевізійнага праекта фармату шоу «Голас» ці «Х-фактар».
«Мы самі павінны выяўляць маладыя таленты і падтрымліваць іх. Фонд па падтрымцы таленавітай моладзі таксама павінен падумаць над новымі формамі выяўлення нашых талентаў. Гэты падыход трэба зрабіць больш адрасным і эфектыўным. У нас ёсць Тэатр эстрады, які павінен стаць цэнтрам развіцця і падтрымкі таленавітай моладзі, эксперыментальнай пляцоўкай для іх творчых ініцыятыў. У тэатры маецца добры базавы патэнцыял», - сказаў намеснік прэм'ер-міністра.
Каментары