Кот-клептаман, вядомы ўсім суседзям у акрузе сваёй звычкай красці розны хлам, нарэшце прынёс дадому «нешта сапраўды вартае» — 25,7 фунтаў (каля 30 еўра) наяўнымі.
Кот па мянушцы Тэа вядомы жыхарам англійскага горада Іпсвіч сваёй прыхільнасцю да крадзяжоў калядных упрыгожанняў і цацак. Яго гаспадыні Рэйчэл Друэ часта даводзіцца шукаць уладальнікаў цацак і вяртаць скрадзенае катом.
Гаспадыня Тэа часам жартавала, што лепш бы яе гадаванец прынёс нешта больш каштоўнае — грошы, напрыклад.
І вось, Тэа нарэшце прынёс грошы. Васьмігадовы метыс сіямскага ката сцягнуў грошы, пакінутыя пакупніком малочніку ў суседняй прадуктовай краме.
Рэйчэл Друэ разам з сям'ёй перабраліся нядаўна на новае месца жыхарства і спадзяваліся, што кот кінуў дурную звычку.
Аднак кот не тое што не кінуў крадзеж, а, можна сказаць, выйшаў на новы ўзровень, пацягнуўшы з прылаўка пакецік з грашыма.
На шчасце, у пакеціку была запіска з адрасам, і муж Рэйчэл Пол Эдвардс змог вярнуць пакупніку скрадзеныя катом грошы.
«Ён патлумачыў маладому чалавеку, што наш кот — хуліган і адрозніваецца антысацыяльнай паводзінамі. Малады чалавек усміхнуўся і ўзяў грошы, як быццам такія выпадкі з ім адбываюцца пастаянна», — распавядае гаспадыня ката.
Па словах Пола Эдвардса, гэта быў «выдатны» спосаб пазнаёміць новых суседзяў са звычкамі ката.
Біёлаг Роджэр Табар, які вывучае паводзіны жывёл, кажа, што каты даволі часта прыносяць дадому «трафеі», але часцей за ўсё гэта ежа з суседніх смеццевых бакаў.
«Сапраўдныя каты-зладзеі — гэта тыя, хто прыносяць дадому тое, чым карыстаецца чалавек», — кажа біёлаг.
Гэта можа адбывацца таму, што ён не навучаны паляваць на жывую здабычу. Імаверна, ката занадта рана разлучылі з маці.
«Без нармальных зносін з маці і іншымі кацянятамі іх увагу ў дарослым стане прыцягваюць розныя «цацкі», і яны пачынаюць паляваць на гэтыя цацкі», — кажа Роджэр Табар.
Разведка ЗША: Беларусь стала перадавым вайсковым плацдармам Расіі21
Каментары