Міністр культуры Расіі Уладзімір Мядзінскі папрасіў свайго беларускага калегу Юрыя Бондара надаць асаблівую ўвагу абароне рускай мовы. Сустрэча праходзіць у пятніцу на сумесным пасяджэнні калегій міністэрстваў культуры Расіі і Беларусі, піша ТАСС.
«Апошнім часам у СМІ ўсё часцей з'яўляецца інфармацыя аб тым, што руская мова знікае з шыльдаў, на спартыўных мерапрыемствах шыльды на англійскай і беларускай <…> Я б вельмі прасіў… каб гэтая найважнейшая частка нашага культурнага гуманітарнага супрацоўніцтва [падтрымка рускай мовы] аказалася ў фокусе міністэрства культуры [Рэспублікі Беларусь]», — адзначыў Мядзінскі.
Паводле яго слоў, пытанне мовы — гэта тое, што аб'ядноўвае абедзве краіны і з'яўляецца велізарнай сумеснай працай.
У сваю чаргу міністр культуры Беларусі Юрый Бондар заявіў, што рускай мове ў Беларусі «нічога не пагражае».
«Наадварот, мы сёння думаем над дзяржаўнымі праграмамі па папулярызацыі беларускай мовы. Пераважная большасць насельніцтва Беларусі размаўляе на рускай мове, выхаваная на высокіх ідэалах рускай літаратуры <…> Я не магу ўявіць такой сітуацыі, калі руская мова будзе чужой для беларускага народа і Беларусі», — запэўніў міністр.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?5
Каментары