Ministr kultury Rasii Uładzimir Miadzinski paprasiŭ svajho biełaruskaha kalehu Juryja Bondara nadać asablivuju ŭvahu abaronie ruskaj movy. Sustreča prachodzić u piatnicu na sumiesnym pasiadžeńni kalehij ministerstvaŭ kultury Rasii i Biełarusi, piša TASS.
«Apošnim časam u ŚMI ŭsio čaściej źjaŭlajecca infarmacyja ab tym, što ruskaja mova źnikaje z šyldaŭ, na spartyŭnych mierapryjemstvach šyldy na anhlijskaj i biełaruskaj <…> Ja b vielmi prasiŭ… kab hetaja najvažniejšaja častka našaha kulturnaha humanitarnaha supracoŭnictva [padtrymka ruskaj movy] akazałasia ŭ fokusie ministerstva kultury [Respubliki Biełaruś]», — adznačyŭ Miadzinski.
Pavodle jaho słoŭ, pytańnie movy — heta toje, što abjadnoŭvaje abiedźvie krainy i źjaŭlajecca vielizarnaj sumiesnaj pracaj.
U svaju čarhu ministr kultury Biełarusi Juryj Bondar zajaviŭ, što ruskaj movie ŭ Biełarusi «ničoha nie pahražaje».
«Naadvarot, my siońnia dumajem nad dziaržaŭnymi prahramami pa papularyzacyi biełaruskaj movy. Pieravažnaja bolšaść nasielnictva Biełarusi razmaŭlaje na ruskaj movie, vychavanaja na vysokich ideałach ruskaj litaratury <…> Ja nie mahu ŭjavić takoj situacyi, kali ruskaja mova budzie čužoj dla biełaruskaha naroda i Biełarusi», — zapeŭniŭ ministr.
Stała viadoma, chto moža ŭvajści ŭ novy abmien źniavolenymi pamiž ZŠA i Rasijaj5
Kamientary