«На 8 актывістаў — 8 міліцыянераў». У Баранавічах памаліліся ў знак салідарнасці з абаронцамі Курапатаў
Сябры «Народнай грамады» і дэмакратычныя актывісты прыбралі тэрыторыю каля Крыжа ахвярам гвалту 1939—1953 гадоў, а потым зладзілі супольную малітву, піша Intex-Press.
Актывісты падчас малітвы ў знак салідарнасці з абаронцамі Курапатаў каля Крыжа пакут у Баранавічах. Фота: Аляксандр Швед.
Мерапрыемства адбылося 14 красавіка каля Крыжа пакут, які стаіць на месцы былой турмы НКУС «Крывое кола».
Фота: Аляксандр Швед.
— Увесь час за намі назіралі супрацоўнікі міліцыі. На 8 актывістаў — 8 міліцыянераў, — расказаў Intex-press Аляксандр Швед, адзін з удзельнікаў мерапрыемства.
Па яго словах, інфармацыю аб правядзенні малітвы ён размясціў у сацсетках, і супрацоўнікі міліцыі, відаць, менавіта адтуль даведаліся пра мерапрыемства. Нікога з удзельнікаў малітвы міліцыянеры не затрымлівалі.
Каментары