Улады Шры-Ланкі высветлілі, хто быў арганізатарам серыі выбухаў, ажыццёўленай у краіне ў велікодную нядзелю. Пра гэта паведамляе выданне The Straits Times са спасылкай на міністра абароны краіны Рувана Віевардэна.
«Мы будзем пераследаваць іх, да якога б рэлігійнага экстрэмізму яны ні былі датычныя. Мы прымем меры супраць (іх) і не дазволім ім дзейнічаць у гэтай краіне», — заявіў міністр. Ён дадаў, што ў дадзены момант затрыманыя сем чалавек.
Раней з'явілася інфармацыя пра тое, што хвалю тэрактаў у Шры-Ланцы маглі падрыхтаваць тэрарысты-смяротнікі радыкальнага мусульманскага аб'яднання National Thowheeth Jama'ath.
Па дадзеных мясцовай паліцыі, папярэджанне аб магчымых нападах на цэрквы з'явілася дзесяць дзён таму. Адзначаецца, што як мінімум два выбухі сапраўды былі здзейснены тэрарыстамі-смяротнікамі.
У Шры-Ланцы з раніцы 21 красавіка адбыліся восем выбухаў. Па апошніх дадзеных, у выніку загінулі 185 чалавек, больш за 500 параненыя. Сярод загінулых — 35 замежнікаў.
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?12
Каментары