Прэзідэнт Расіі Уладзімір Пуцін падпісаў указ аб спрошчаным парадку атрымання расійскага грамадзянства для жыхароў г.зв. Данецкай і Луганскай народных рэспублік.
Дакумент прадугледжвае, што заяву аб прыёме ў грамадзянства ад жыхароў самаабвешчаных рэспублік павінна разглядацца не даўжэй за тры месяцы.
Спрошчаны парадак атрымання грамадзянства дазваляе атрымаць расійскі пашпарт без пражывання ў Расіі на працягу пяці гадоў пасля атрымання дазволу на жыхарства, пацверджання наяўнасці сродкаў на жыццё, пацверджання валодання рускай мовай і адмовы ад грамадзянства замежнай дзяржавы.
У агульным парадку рашэнне аб даванні грамадзянства прымае прэзідэнт Расіі, у сувязі з чым тэрмін разгляду дакументаў можа дасягаць аднаго года, а ў спрошчаным парадку — органы МУС на працягу 3-6 месяцаў.
Раней жыхары так званых «ЛНР» і «ДНР» маглі атрымаць пашпарт толькі ў агульным парадку — як і іншыя грамадзяне Украіны.
Указ уступае ў сілу з дня афіцыйнага апублікавання.
Каб не плаціць падатак на сабак, мінчукі пачалі здаваць іх у пункты адлову25
Каментары