У Глыбокім працягваецца фэстываль «Магніфікат – 2006».
Увечары 8 чэрвеня адбыўся вечар фэстывалю «Непакалянаў», дзе былі паказаныя стужкі польскіх аўтараў «Філязофія аднаго чалавека», «Я – немка» Студыя «Існасьць» прадставіла 9 чэрвеня цыкл «Царква ў гады Вялікай Айчыннай Вайны», а канадзкія аўтары распавялі гісторыю інваліда – стужка «У руках Боскіх. Гісторыя Майкла Барэта».
Вялікую інтрыгу выклікаюць вынікі фэсту, паколькі на «Магніфікаце» сёлета многа карцінаў высокага мастацкага ўзроўню. Фаварытамі зьяўляюцца карціна «Завядзёнка» Галіны Адамовіч, называюць таксама стужку латвійскіх аўтараў «Пасьля слова «аман»», швэйцарскую карціну «Ісус — вандроўнік у краіну ўсходу». Вялікую цікавасць выклікаў фільм «Бог дзейнічае праз людзей» пра ксяндза Ёзаса Бульку. Інтрыга застаецца.
Сёньня, 9 чэрвеня, ў Мосары адбудзецца вечар, прысьвечаны Яну Паўлу ІІ. Заплянаваны канцэрт камэрнага хору і сьвятая імша.
Андрэй Расінскі
Цяпер чытаюць
«Патрабавалі, каб я з калегамі пры дзецях па-беларуску не размаўляла». Ці сутыкаюцца беларускамоўныя з булінгам у краіне2
Каментары