Магілёвец на першым спатканні душыў жанчыну і пагражаў выкінуць яе ў акно
У аператыўна-дзяжурную службу Ленінскага РАУС Магілёва звярнулася 45-гадовая мясцовая жыхарка, прадавец адной з крамаў. Яе душыў, а пасля нахіліў у аконны праём і пагражаў забойствам знаёмы. Жанчына звярнулася ў міліцыю.
Міліцыя затрымала п'янага 38-гадовага раней судзімага электраманцёра. Высветлілася, што ён доўгі час заляцаўся да жанчыны і нарэшце яна запрасіла яго на бяседу. Яны сталі распіваць спіртное, па меры ап'янення спакойны і ўраўнаважаны мужчына станавіўся ўсё больш агрэсіўным і жорсткім. Ён пачаў высмейваць прыгатаваныя жанчынай стравы, а пасля, калі гаспадыня кватэры «асмелілася» яму запярэчыць, схапіў дзвюма рукамі яе за шыю і пачаў душыць. Жанчына прасіла супакоіцца, замест гэтага госць нахіліў яе ў аконны праём, паабяцаўшы выкінуць. Калі ж госць прыслабіў хватку, а пасля на час адпусціў жанчыну і пайшоў пакурыць, перапалоханая магілёўка выклікала міліцыю.
Цяпер чытаюць
Як склаўся лёс Яны Пачыцкай — дзяўчыны, якую затрымлівалі разам з Канавалавым і Кавалёвым па справе аб тэракце ў метро15
Каментары