На сайце kniha.of.by апублікаваныя вынікі чытацкага галасавання за «Кнігу году».
На першым месцы Яўген Зубовіч з кнігай «Беларускі палкоўнік». За яе аддалі галасы 176 чалавек, або 28% удзельнікаў галасавання.
«Гістарычны раман раскрывае драматычную панараму падзеяў сярэдзіны XVII ст. на ўсходзе Беларусі. Малады магілёўскі шляхціц Канстанцін Паклонскі, былы ротмістр войска Вялікага Княства Літоўскага, атрымлівае ліст з Запарожскай сечы, які змяняе ўсё яго жыццё. Гэта кніга пра вернасць і здраду, любоў да Бога, каханне да дзяўчыны і складаныя жыццёвыя выклікі з якімі сутыкаюцца героі твора. У рамане прадстаўлены постаці вялікага літоўскага гетмана Януша Радзівіла, маскоўскага цара Аляксея Міхайлавіча, украінскага гетмана Багдана Хмяльніцкага і іншых гістарычных асобаў», — гаворыцца ў анатацыі да кнігі.
На другім месцы раман «Ноч» Віктара Марціновіча — 15,7%.
Трэцяе месца заняў архіўны раман Сяргея Шупы «Падарожжа ў БНР» — 11,5%.
У мінулыя гады, паводле версіі чытачоў, кнігамі году станавіліся «Радзіва Прудок» Андруся Горвата і «Беларусалім» Паўла Севярынца. Чытацкі рэйтынг мае сімвалічнае значэнне. Вынікі галасавання не ўплываюць на афіцыйную прэмію і не залежаць ад яе. Ніводная з гэтых кніг не атрымала прэміі ПЭН-Цэнтра.
Пераможцам галасавання пісьменніцкага журы прэміі ПЭН-Цэнтра стала сёлета кніга Марыі Мартысевіч «Сарматыя».
Чаму амерыканцы так ірвуцца на Месяц, што там будуць здабываць? І што да таго беларусам? Тлумачыць беларускі астрафізік8
Каментары