У Беларусі за безнаяўныя пакупкі зараз можна атрымліваць падарункі — ад пляжных сумак да аўтамабіля Mazda. Альфа-Банк разам з аплатнай сістэмай Visa запусціў гадавую гульню LET'S для ўладальнікаў картак.
Прэтэндаваць на падарункі можна з любой картай банка. Найбліжэйшыя два месяцы можна атрымліваць балы за безнаяўныя пакупкі. Прынцып просты: за кожныя 10 рублёў выдаткаў ўнутры краіны даецца 10 балаў. Пры разліках за мяжой дзейнічае падвойная стаўка. Пры аплаце Чырвонай картай або крэдыткай таксама налічваецца па 20 балаў за кожныя 10 рублёў. Па 100—200 балаў прынясуць яшчэ два крокі, накшталт афармлення карты Visa або страхоўкі.
Балы можна абмяняць на шанцы выйграць падарункі. У прыватнасці, банк падрыхтаваў пляжныя сумкі, чырвоныя валізкі Samsonite і ручнікі. Акрамя таго, 20 чалавек атрымаюць грашовыя прызы — па 1000 рублёў кожны. А галоўны прыз — новы аўтамабіль Mazda 6. Праўда, каб трапіць у лік прэтэндэнтаў, трэба назапасіць 1000 балаў.
Сярод умоваў — прайсці спачатку рэгістрацыю ў дадатку InSync, каб уключыць падлік балаў. Там жа знаходзіцца асабісты кабінет, дзе іх пасля можна абмяняць на шанцы. Рэгістраваць чэкі не трэба: дастаткова здзяйсняць пакупкі па картах, а самі балы сумуюцца аўтаматычна.
«Гэта лета павінна запомніцца. Прыйшла пара падняцца на Эйфелеву вежу, зірнуць на Лондан з даху London Eye (усё адно Біг-Бэн на рэстаўрацыі) або паганяць рыбак у грэчаскіх бухтах. А каб было камфортней, плацім карткамі і выйграем пляжныя сумкі, валізкі і ручнікі, а яшчэ лепш — аўтамабіль. Усё гэта, дарэчы, частка рэкламнай кампаніі «ЛЕТА», што азначае «ляцім, едзем, трэнім і адпачываем». Ідэя простая: адпачываем па поўнай і ловім кожны момант», — растлумачылі ў Альфа-Банку.
Цяпер чытаюць
У Мінску памёр адзін з самых вядомых забойцаў Расіі. Ён жыў пад чужым іменем і стаў пісьменнікам-фантастам5
Каментары