Улады Баварыі і Паўночнага Рэйна-Вестфаліі апублікавалі праграму абароны мужчын ад хатняга гвалту, піша Deutsche Welle.
«Мужчыны таксама становяцца ахвярамі гвалту ў сем'ях, і для іх да гэтага часу не было прадугледжана ніякай дапамогі або падтрымкі», — адзначылі ў сумеснай заяве міністр па сямейных і сацыяльных пытаннях Баварыі Керсцін Шрайер і яе вестфальская калега Іна Шарэнбах.
Прапанаваная імі ініцыятыва складаецца з некалькіх этапаў: спачатку з'явяцца гарачая лінія і анлайн-кансультацыя, затым будуць арганізаваны прытулкі і цэнтры кансультацый для ахвяраў гвалту. У выніку аўтары праграмы разлічваюць на грамадскае абмеркаванне і «разбурэнне табу» вакол гэтага пытання.
Палітыкі спадзяюцца, што распрацаваныя імі меры зададуць трэнд для ўсёй астатняй Германіі.
У 2018 годзе мужчыны склалі 17,9% ахвяр хатняга гвалту ў Нямеччыне. Усяго праваахоўнікі налічылі 23872 выпадкі, калі прадстаўнікі мужчынскага полу сталі ахвярамі нападаў, згвалтаванняў, спроб забойства або абмежаванняў волі з боку сваіх партнёраў. Рэальная лічба можа быць вышэйшай — мужчыны вельмі рэдка паведамляюць пра падобныя злачынствы праз сорам ці боязь таго, што ім не павераць.
Цяпер чытаюць
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося26
«Або мы цябе згвалцім, або ты паголіш бараду разам з галавой». Лахвіч расказаў, што з ім адбылося
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі99
Каментары