У Заходняй і Цэнтральнай Еўропе пачаўся анамальна гарачы сезон. У Францыі, Іспаніі і Партугаліі тэмпературныя рэкорды могуць быць пабітыя ўжо ў сераду, паведамляе ВВС.
У астатніх краінах кантынентальнай Еўропы да канца гэтага тыдня таксама чакаецца перавышэнне сярэдніх чэрвеньскіх тэмператур на 10—15 градусаў.
Прычыны пагоднай анамаліі — шторм у Паўночнай Атлантыцы і магутны антыцыклон, які ўсталяваўся ў Цэнтральнай Еўропе.
Іх камбінацыя прыводзіць да таго, што на кантынент засмоктвае паток распаленага паветра з Сахары. Колькі гэта будзе доўжыцца, пакуль незразумела.
Сіноптыкі папярэджваюць: лета 2019 года стане ў Еўропе самым гарачым ад 2003 года, калі аналагічная пагодная анамалія за ліпень і жнівень забрала дзясяткі тысяч жыццяў.
«Перыяды анамальна гарачага надвор'я — бясшумныя забойцы. У 2003 годзе такая анамалія забрала ў Еўропе 70 тысяч жыццяў… Гарачае лета мінулага года ў Германіі прывяло да смерці па меншай меры 1000 чалавек», — піша ў «Твітары» кліматолаг Патсдамскага універсітэта Штэфан Рамшторф.
На гэты раз, кажуць навукоўцы, ахвяр можа быць нават больш, паколькі лета толькі пачалося і многія еўрапейцы яшчэ не паспелі адаптавацца да высокіх тэмператур.
Найгарачэй будзе ў некаторых рэгіёнах Францыі і Іспаніі: там слупок тэрмометра не апусціцца ніжэй за + 40 °C тры дні запар — ад серады да пятніцы.
Пры гэтым французскія СМІ ўжо паведамляюць аб трох загінулых ад «тэмпературнага шоку» адпачывальнікаў: 62-гадовая жанчына і двое мужчын, 70 і 75 гадоў, памерлі ад сардэчнага прыступу, зайшоўшы ў прахалодную ваду пасля доўгага ляжання на пляжы.
El infierno is coming. pic.twitter.com/j0iGEYF0ge
«Пекла надыходзіць», — рэзюмавала іспанскі метэаролаг Сільвія Лаплана, і гэты твіт разляцеўся па сеціве з хуткасцю віруса.
Яшчэ адзін твіт, які шырока разышоўся, параўноўвае карту прагнозу ў Францыі на чацвер 27 чэрвеня з вядомай карцінай Эдварда Мунка «Крык».
A gauche carte des températures à 1500m prévues par GFS. A droite le cri de Munch.
Jamais vu ça en 15 que je regarde des cartes météo #canicule pic.twitter.com/RIJTXiCUh1
Па словах яго аўтара Рубена Халалі, за 15 гадоў працы ў метэаслужбе ён не бачыў нічога падобнага.
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?9
Палітвязняў па ўсёй краіне апытваюць: пасля памілавання вы хочаце застацца ў Беларусі ці з'язджаць?
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары