Мінчанка набыла ў краме гарошак, але ўнутры аказаўся зусім не ён
«Купіла я гарошак гандлёвай маркі «Очень!», але гарошак якраз аказаўся не вельмі», — наракае пакупніца.
Жанчына 2 ліпеня набыла ў краме «Гіпа» бляшанку зялёнага гарошку, каб прыгатаваць салату.
«Адкрыла бляшанку — і не паверыла сваім вачам: гарошак аказаўся не зялёны, а вельмі нават жоўты. А дакладней, там была кукуруза! Прадукт цалкам сабе якасны і смачны, але мне быў патрэбны гарошак. Жаданага салата я, натуральна, не змагла прыгатаваць», — узрушаецца жанчына.
Вядучая спецыялістка ўпраўлення арганізацыі гандлю кампаніі «Белвілесдэн», якой належаць крамы «Гіпа», Аксана Шуканава патлумачыла «Нашай Ніве»:
«Гандлёвая марка «Очень!» належыць нам, але мы тавар не вырабляем. У прыватнасці гарошак нам пастаўляюць з Малдовы. Яны гарантуюць якасць тавару, але ад памылак ніхто не застрахаваны. Мы накіруем пастаўшчыкам ліст з просьбай правесці экспертызу або зняць партыю тавару з продажу.
Пакуль да нас з падобнымі выпадкамі не звярталіся, таму не магу адказаць, гэта адзінкавы выпадак ці брак цэлай партыі.
А пакупніку трэба проста прыйсці ў краму, дзе яму без пытанняў абмяняюць тавар».
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай75
Каментары