Міліцыя Маладзечна высвятляе асобу зламыснікаў, якія спрабавалі атрымаць 500 еўра ад 24-гадовай жыхаркі Маладзечна.
Зламыснікі гразіліся апублікаваць у інтэрнэце інтымныя фатаграфіі жыхаркі Маладзечна. Па дапамогу дзяўчына звярнулася ў міліцыю.
Аператыўнікі высветлілі, што жыхарка Маладзечна ў Маскве ўдзельнічала ў фотасесіі.
Канчатковы прадукт расійскі фатограф даслаў у месенджары.
Свае здымкі жанчына вырашыла паказаць сяброўкам і адправіла іх у прыватнай перапісцы. Пазней у сацсетцы жанчыне напісала невядомая грамадзянка. Яна паведаміла, што мае яе інтымныя фатаграфіі і можа разаслаць сябрам.
За нераспаўсюджванне файлаў незнаёмка запатрабавала выслаць 500 еўра ў крыптавалюце на электронны кашалёк.
Аднак замест гэтага дзяўчына звярнулася ў праваахоўныя органы. Завялі крымінальную справу па ч. 1 арт. 208 КК Рэспублікі Беларусь «Вымагальніцтва».
Фатаграфіі беларускі, зробленыя ў маскоўскай фотастудыі, былі размешчаны на італьянскім эратычным сайце.
Пасланні з пагрозамі дзяўчыне пісалі ў сацсетцы з-за мяжы, скарыстаўшыся фэйкавым акаўнтам. Знайсці інтэрнэт-вымагальніка ў падобных выпадках амаль немагчыма.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў3
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары