Зняволенага анархіста Паліенку западозрылі яшчэ і ў абразе прадстаўніка ўлады
Крымінальную справу актывіста анархісцкага руху Зьмітра Паліенкі на пачатку ліпеня перадалі ў пракуратуру для накіраваньня ў суд. Але абвінавачаньне могуць дапоўніць, піша «Радыё Свабода».
Як сказала Свабодзе прадстаўніца прэс-службы Сьледчага камітэту па Менску Кацярына Гарлінская, справу Паліенкі вярнулі для дадатковага папярэдняга расьсьледаваньня ў Заводзкі раённы аддзел менскага СК «з пазнакай аб дачы прававой ацэнкі дзеяньням Паліенкі».
Ацэньваць будуць дзеяньні, «зьвязаныя з абразай прадстаўніка ўлады», па выніках абвінавачаньне могуць дапоўніць. Каго і калі мог абразіць Паліенка, не паведамляецца.
Паліенку затрымалі 20 сакавіка, яго трымалі пад вартай без выстаўленьня абвінавачаньня да 5 красавіка (хоць можна толькі 10 дзён). Розныя абвінавачаньні аб’ядналі ў адну справу:
- увечары 13 сакавіка, як сьцьвярджае СК, Паліенка распыліў пярцовы газ з балёнчыка ў твар чалавеку, які нібыта зрабіў яму заўвагу за курэньне ў пад’езьдзе (паводле сяброўкі Паліенкі, гэта была самаабарона — да Зьмітра чапляўся «п’яны агрэсіўны мужчына»);
- 23 студзеня распачалі таксама крымінальную справу за графіці «Міліцыянты забіваюць людзей» на будынку ў Заводзкім раёне Менску. Разам з Паліенкам у справе фігуруюць Яўген Чуліцкі і Настасься Гусева.
Паліенку пагражае ад 3 да 10 гадоў пазбаўленьня волі. Сёлета яго ўжо штрафавалі за «экстрэмісцкую шапку».
У 2016 годзе Паліенку асудзілі за «гвалт або пагрозу ўжываньня гвалту ў дачыненьні да супрацоўніка органаў унутраных спраў» і «выраб і распаўсюд парнаграфічных матэрыялаў або прадметаў парнаграфічнага характару». Ён выйшаў на волю ў кастрычніку 2018 году, праз два з паловай гады зьняволеньня.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары