На мінулым тыдні на кватэры беларускага карэспандэнта «Газеты выборчай» Андрэя Пачобута здарыўся інцыдэнт — невядомыя зламыснікі пашкодзілі ўваходныя дзверы ды пакінулі побач цыдулку з пагрозамі.
На мінулым тыдні на кватэры беларускага карэспандэнта «Газеты выборчай» Андрэя Пачобута здарыўся інцыдэнт — невядомыя зламыснікі пашкодзілі ўваходныя дзверы ды пакінулі побач цыдулку з пагрозамі.
Ад журналіста ў нецэнзурнай форме патрабуюць, каб ён адчапіўся ад Ленкі. Прычым учынілі тое, калі сам А.Пачобут знаходзіўся ў Літве, і запіску знайшла ягоная жонка.
Журналіст мае намер напісаць заяву ў пракуратуру. «Пашкоджаныя дзверы — гэта апошняя кропля» — кажа Андрэй. Ён нагадаў пра сваё нядаўняе вяртанне з Літвы, калі памежнікі зладзілі яму гадзінны асабісты надгляд: «Праслухоўвалі дыктафонныя запісы, праглядалі змест флэшкі, раіліся з кімсьці па тэлефоне і ўрэшце адпусцілі без усялякіх тлумачэнняў».
Акрамя таго, кажа журналіст, у нядзельнай «Панараме» на БТ паказалі вельмі характэрны сюжэт пра Саюз палякаў. «Усё гэта стварае ўражанне, што вяртаецца 2005 год, тым больш, што правакацыі апошнім часам робяцца ня толькі ў дачыненні да мяне, пра такія рэчы кажуць і іншыя сябры Саюзу» — падкрэсліў Андрэй Пачобут. На яго думку, улады аднавілі практыку ціску на чальцоў апальнага Саюзу палякаў з мэтай зрыву іхняга з’езду, запланаванага на 14‑15 сакавіка.
Не выключана, што правакацыя з дзвярыма ў духу тых, якія ў тым самым Гродне ў савецкі час КГБ ладзіла супраць Васіля Быкава, выклікана шэрагам вострых журналісцкіх расследаванняў, праведзеных журналістам — дарэчы, лаўрэатам прэміі «За сумленнае слова» за 2008 год.
Цяпер чытаюць
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?28
Бабарыка: Не могуць здымацца санкцыі з прадпрыемстваў і людзей, задзейнічаных у вайне. Выпусціце палітвязняў цаной забойства ўкраінцаў?
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць88
Каментары