Улады Ірана запатрабавалі, каб ісламскі суд акругі Бахмай правінцыі Боер-Ахмад адмяніў шлюб паміж 28-гадовым мужчынам і 9-гадовай дзяўчынкай. Пра гэта паведамляецца ў твітары журналіста Бабака Тагвея.
Такое рашэнне было прынята пад ціскам грамадскасці пасля таго, як кадры з вяселля пары былі апублікаваныя ў СМІ і сацыяльных сетках. Акрамя таго, паведамляецца, што мясцовыя выданні пішуць, быццам мужчыну не 28 гадоў, а 22 гады. Аднак журналісты пацвярджаюць, што яго жонцы ўсяго 9 гадоў.
Бабак Тагвей таксама раскрыў асобу 28-гадовага мужчыны. Паводле яго звестак, мужа дзяўчынкі завуць Мілад Чэшані, ён баец народнага апалчэння Басідж, якое ўваходзіць у Корпус вартавых ісламскай рэвалюцыі. Чэшані атрымаў дазвол на шлюб у ісламскім судзе акругі.
Іранская журналістка Масіх Алінежад апублікавала ў твітары відэа з вяселля дзяўчынкі з Ірана і распавяла, што яно прымусіла яе плакаць. Журналістка заявіла, што дзяўчынцы менш за 13, і абурылася ісламскімі законамі. Карыстальнікі сацсеткі заклікалі грамадскія арганізацыі звярнуць увагу на шлюб.
У Іране па законе дзяўчына можа ўступаць у шлюб з 13 гадоў, мужчына — з 15 гадоў. Да 2002 года ў краіне дазвалялася заключаць шлюбы з 9-гадовымі дзяўчынкамі. Ісламская духавенства заахвочвае раннія шлюбы, бо гэта, на іх думку, прадухіляе пазашлюбныя сувязі, за якія ў краіне прадугледжаны цяжкія пакаранні.
-
Расійская неанацыстка, якая адсядзела 16 гадоў за забойства адваката і журналісткі: Ён напрошваўся сваімі поглядамі на чачэнскую кампанію
-
Зяленскі: Мірны план ЗША скарацілі з 28 да 20 пунктаў, але ў Трампа ўласнае бачанне
-
Кая Калас — беларусам: Вы можаце разлічваць на Еўрапейскі саюз. Большасць краін ЕС выйшлі з халоднага аўтарытарнага мінулага
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1919
Каментары