Бацька і сын з Маладзечна ашукалі людзей на 260 тысяч даляраў
Маладзечанскія следчыя завяршылі расследаванне крымінальнай справы аб махлярстве.
Маладзечанскі раённы аддзел Следчага камітэта завяршыў расследаванне крымінальнай справы ў дачыненні да двух мужчын, якія абвінавачваюцца ў махлярстве, здзейсненым паўторна групай асоб, у асабліва буйным памеры, і ў падбухторванні да дачы хабару.
60-гадовы жыхар Маладзечна ў змове са сваім 37-гадовым сынам, у перыяд часу з 2015 года па 2018 год падманным шляхам завалодаў грашовымі сродкамі чатырох грамадзян на агульную суму больш за 260 тысяч даляраў ЗША.
У ходзе асабістых сустрэч і тэлефонных размоў старэйшы з абвінавачаных пераконваў знаёмых паўдзельнічаць у пагадненні па рэалізацыі комплексу дрэваапрацоўчага абсталявання, абяцаючы ім значны даход ад яго продажу.
Пацярпелыя ў некалькі этапаў перадавалі грашовыя сродкі. У асноўным у замежнай валюце.
Абвінавачаныя выкарыстоўвалі розныя падставы: для аплаты паслуг па наладзе абсталявання, рыэлтара для пошуку пакупніка, транспартнай арганізацыі, грузчыкаў пры транспартоўцы комплексу ў Маскву і арэнды памяшканняў для яго захоўвання.
У далейшым яны выкарыстоўвалі іншыя спосабы.
Следчыя дапыталі пацярпелых і сведак, а таксама даследавалі аформленыя распіскі, якія прызнаныя рэчавымі доказамі.
Дапытаныя ў якасці абвінавачаных мужчыны віну ў здзяйсненні злачынстваў не прызналі, у далейшым ад давання паказанняў адмовіліся.
Да абодвух прыменена мера стрымання ў выглядзе заключэння пад варту. На іх маёмасць, у ліку якога два аўтамабілі, аб’ект нерухомасці, накладзены арышт. Крымінальная справа перададзена пракурору для накіравання ў суд.
Палітолаг Аліна Харысава пагадзілася супрацоўнічаць з СБУ. Аказалася, гэта было КДБ36
Каментары