Менеджар пароляў Google будзе папярэджваць карыстальнікаў аб тым, што паролі, якія яны вырашылі захаваць, могуць быць скампраметаваныя, напрыклад, у выніку ўцечкі звестак.
Новая функцыя Password Checkup з'явілася ў менеджары пароляў 2 кастрычніка. Калі пароль карыстальніка ненадзейны, Password Checkup паведамляе пра гэта і прапануе яго змяніць. Таксама карыстальнікаў папярэдзяць аб тым, што яны выкарыстоўваюць адзін і той жа пароль для некалькіх акаўнтаў, і пра тое, што пароль занадта просты.
Зараз праверыць надзейнасць пароляў можна на сайце passwords.google.com або ў спецыяльным дадатку для Android. Раней гэтыя функцыі былі даступныя толькі ў пашырэнні для браўзэра.
Звесткі правяраюць, параўноўваючы іх з базай «дрэнных пароляў», якую Google збіраецца пастаянна папаўняць, у тым ліку шляхам маніторынгу дарквэба, паведамляе ZDNet.
Цяпер чытаюць
Каля 19 тысяч камер плануюць усталяваць каля мінскіх пад'ездаў. Гэта амаль у 10 разоў больш, чым цяпер3
Каментары