Былы віцэ-прэзідэнт ЗША Джо Байдэн атрымаў ад украінскай кампаніі Burisma Holdings $ 900 тыс. за лабісцкую дзейнасць, заявіў украінскі дэпутат Андрэй Дзяргач, перадае «Інтэрфакс-Украіна».
«Грошы ў суме $ 900 тыс. былі пералічаныя на рахунак амерыканскай кампаніі Rosemont Seneca Partners, звязанай, па дадзеных адкрытых крыніц, у тым ліку The New York Times, з Байдэнам. Прызначэнне плацяжу — аплата за кансультацыйныя паслугі», — сказаў дэпутат.
На прэс-канферэнцыі ў Кіеве Дзяргач паказаў дакументы, дзе, паводле яго слоў, апісаны механізм атрымання Байдэнам-старэйшым сродкаў. Нардэп заявіў, што атрымаў гэтыя матэрыялы ад журналістаў.
Дэпутат не ўдакладніў, калі канкрэтна зроблены гэтыя выплаты. Байдэн-старэйшы быў віцэ-прэзідэнтам ЗША з 2009 па 2017 год, яго сын Хантэр пачаў працаваць у Burisma ў 2014-м.
Каментары