Прэзідэнт Аўстрыі Аляксандр ван дэр Бэлен накіраваў афіцыйнае запрашэнне Аляксандру Лукашэнку наведаць Вену з афіцыйным візітам у лістападзе, паведаміла на прэс-канферэнцыі ў Мінску пасол Аўстрыі ў Беларусі Алаізія Вергетэр, піша interfax.by
«Мой федэральны прэзідэнт накіраваў афіцыйнае запрашэнне прэзідэнту Аляксандру Лукашэнку наведаць Аўстрыю, Вену ў лістападзе гэтага года», — сказала Вергетэр.
«Дэталі візіту яшчэ абмяркоўваюцца і пра іх будзе паведамлена пазней», — дадала пасол.
«Прэзідэнт Беларусі паедзе ў Аўстрыю па афіцыйным запрашэнні прэзідэнта Аўстрыйскай Рэспублікі», — удакладніла Вергетэр.
Як паведамлялася, на працягу доўгага часу паездкі ў Еўропу былі немагчымыя для Лукашэнкі з-за уведзеных у дачыненні да яго і шэрагу беларускіх чыноўнікаў санкцый. Пасля зняцця санкцый у 2016 годзе кіраўнік Беларусі зрабіў візіт у Італію і Ватыкан.
Пасля Лукашэнкі яшчэ некалькі разоў запрашалі ў ЕС на розныя мерапрыемствы, аднак візіты не адбыліся.
Цяпер чытаюць
«Анліфаншчыца з Пінска» кажа, што яна не анліфаншчыца і не ў рабстве ў М'янме9
Каментары