Расійская ваенная паліцыя пачала разгортванне ўздоўж турэцка-сірыйскай мяжы ў рамках пагаднення паміж Расіяй і Турцыяй. Разам з сірыйскай арміяй расійскія вайскоўцы будуць кантраляваць адступленне курдскай самаабароны за межы 30-кіламетровай памежнай зоны, піша bbc.com.
Курдскія фармаванні, якія Турцыя лічыць тэрарыстычнымі і якія ў мінулым былі саюзнікамі ЗША, павінны пакінуць мяжу на працягу шасці дзён.
Турэцкія войскі, паводле дамоўленасцей паміж прэзідэнтам Расіі Уладзімірам Пуціным і прэзідэнтам Турцыі Рэджэпам Таіпам Эрдаганам, захаваюць кантроль над сірыйскай тэрыторыяй, якую яны захапілі з 9 кастрычніка, на нявызначаны тэрмін.
Турцыя 9 кастрычніка пачала наступ на курдаў, якіх яна лічыць звязанымі з Рабочай партыяй Курдыстана, пасля таго, як прэзідэнт ЗША Дональд Трамп абвясціў пра вывад войскаў з рэгіёну.
Згодна з пагадненнем, курды павінны пакінуць памежныя зоны на працягу 150 гадзін, пасля чаго мяжу будуць патруляваць расейцы і сірыйцы, а расейскія і турэцкія вайскоўцы будуць патруляваць тэрыторыю за дзесяць кіламетраў ад мяжы.
Прэзідэнт ЗША Дональд Трамп, якога крытыкавалі і дэмакраты, і рэспубліканцы за рашэнне вывесці войскі з Сірыі, назваў пагадненне Эрдагана-Пуціна аб курдах «вялікім поспехам» і адмяніў санкцыі супраць Турцыі.
Цяпер чытаюць
Хто тая Аліна, з якой Лукашэнка танцаваў гэтым разам на навагоднім балі8
Каментары