Пытанне тэрыторый — самае складанае пытанне мірнага плана з 20 пунктаў, які абмеркавалі Украіна і ЗША.
Пытанне тэрыторый — самае складанае пытанне мірнага плана з 20 пунктаў, як адзначыў сёння ў размове з журналістамі Уладзімір Зяленскі, паведамляе РБК-Украіна.
У праекце дакумента пазначана, што ў Данецкай, Луганскай, Запарожскай і Херсонскай абласцях лінія сутыкнення фіксуецца па месцы размяшчэння войскаў на дату падпісання дамовы. Гэта значыць — «стаяць там, дзе стаім».
З Днепрапятроўскай, Мікалаеўскай, Сумскай і Харкаўскай абласцей РФ павінна вывесці войскі, каб дамова набыла моц, патрабуе Украіна. Але РФ хоча, каб Украіна выйшла з Данецкай вобласці; кампрамісны варыянт ад ЗША — свабодная эканамічная зона.
«Мы лічым, што вольная эканамічная зона — гэта патэнцыйная магчымасць суверэннай дзяржавы выбіраць такі шлях. Мы змагаліся за адно слова — «патэнцыйныя». Мы лічым, што такая патэнцыйнасць, як эканамічныя зоны, можа быць у дзяржавы», — адзначыў Зяленскі.
Ён растлумачыў, што калі не ўдасца дамовіцца пра «стаяць там, дзе стаім», ёсць два варыянты: працяг вайны або неабходна будзе вырашаць усе пытанні з патэнцыйнымі эканамічнымі зонамі.
У выпадку, калі размова ўсё ж будзе пра патэнцыйную свабодную эканамічную зону Данбасу — гэта трэба будзе вырашаць на рэферэндуме.
«То-бок, калі пра гэта ідзе размова, то вядзецца пра нейкі асаблівы фармат, а значыць асаблівае рашэнне, а значыць, гэта рэферэндум — толькі рэферэндум можа вызначыць, ці згодныя людзі на такі шлях, калі прапанова для Украіны менавіта такая — альбо гэта, альбо вайна», — дадаў ён.
Пры гэтым Зяленскі адзначыў, што ЗША хочуць рэферэндум, і ён ім тлумачыў, што на такі рэферэндум прыйдзецца ставіць увесь дакумент, а не асобныя пытанні.
«Мы можам пайсці на рэферэндум поўнай дамовай, якая замацавала б заканчэнне вайны. На рэферэндум трэба мінімум 60 дзён. І нам патрэбна рэальнае спыненне агню на 60 дзён. Інакш мы не правядзем. То-бок рэферэндум не будзе легітымным», — дадаў ён.
Ён таксама растлумачыў, што калі ўсё ж будзе свабодная эканамічная зона, міжнародныя сілы будуць яе маніторыць, а стварэнне такой зоны таксама павінна быць зацверджана Радай. Таму акрамя рэферэндуму патрэбны будзе і асобны закон.
Цяпер чытаюць
Куды цяпер едуць вучыцца беларускія студэнты — топ краін і тэндэнцый8
Каментары