Беларусу, якога затрымалі на вайсковай базе ў Гдыні, выставілі абвінавачанне
Двух украінцаў і аднаго беларуса прыцягнуць да суда за незаконнае пранікненне на вайсковую базу ў Гдыні ў лістападзе 2025 года. Пра гэта паведамілі польскія СМІ са спасылкай на гданьскую пракуратуру, піша «Белсат».
Усе трое прызналі сваю віну і далі тлумачэнні следству. Спачатку справу вяла звычайная паліцыя, але пазней расследаванне перадалі вайсковай паліцыі.
Як удакладніў прадстаўнік пракуратуры ў Гданьску, расследаванне пачалося 24 лістапада. Абвінавачванні выставілі двум грамадзянам Украіны і аднаму беларусу за парушэнне недатыкальнасці тэрыторыі і незаконнае знаходжанне на вайсковым аб’екце. Гэта маладыя людзі ва ўзросце ад 19 да 21 года, якія пастаянна жывуць у Польшчы.
Падчас затрымання ў іх забралі мабільныя тэлефоны і накіравалі іх на праверку ў Варшаву, дзе вайсковая паліцыя вывучае змест прылад.
Пра інцыдэнт стала вядома яшчэ 23 лістапада, калі тры пабочныя асобы трапілі на тэрыторыю зенітна-ракетнай часці ў Гдыні. Патруль змог затрымаць толькі беларуса — ён быў нецвярозы і сцвярджаў, што заблукаў ды не разумеў, дзе апынуўся. Двум іншым удалося ўцячы.
Пры аглядзе тэлефона затрыманага знайшлі фатаграфіі порта, а таксама звесткі пра пошук нейкай невядомай перасылкі.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?8
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары