Сёння ў чэмпіянаце Беларусі па футболе можа датэрмінова вызначыцца ўладальнік залатых медалёў, паведамляе БелТА.
У выпадку перамогі ў госцевым паядынку 28-га тура над «Іслаччу» свой першы ў гісторыі чэмпіёнскі тытул могуць атрымаць футбалісты брэсцкага «Дынама». Гэтая сустрэча пачнецца ў 15.30 на поле ФК «Мінск» і будзе паказана ў простым эфіры тэлеканала «Беларусь 5».
Таксама сёння 15-разовы чэмпіён краіны барысаўскі БАТЭ згуляе ў гасцях у «Віцебска», а мінскі «Энергетык-БДУ» прыме жодзінскае «Тарпеда-БелАЗ».
Становішча ў групе лідэраў перад сённяшнімі гульнямі: «Дынама» (Брэст) - 68 ачкоў (27 матчаў), «Шахцёр» - 62 (28), БАТЭ - 61 (27), «Дынама» (Мінск) - 50 (28), «Іслач» - 45 (27), «Тарпеда-БелАЗ» - 45 (27).
Былы беларускі міліцыянер шукае «пародзістую прыгажуню». Называе сябе мільянерам, а сам судзіцца з былой жонкай за аліменты21
Каментары